Antifa n’PD!
nga Agim Popoci
Mbrëmja e së mërkurës nuk është se zhgënjeu pritshmërinë e opinionit për Reformën Zgjedhore e cila nuk u arrit, sepse shqiptarët u mësuan tashmë me shfaqje të tilla, zgjidhja e të cilave gjendet në minutat e fundit, por zgjoi interesin e atyre që ende nuk janë ulur në prehrin komunist dhe po rezistojnë, dhe nga ana tjetër shohin një shpërthim të antiamerikanizmit nga radhët e demokratëve “të pakënaqur”, që do ti kishte zili edhe Antifa!
Ky shqetësim bëhet edhe më serioz kur konstatohet ndikimi i propagandës së Antifas ndër demokratë! Jo pse Presidenti Trump do ta shpallë organizatë terroriste, por kur kuptohen synimet e saj reale, që nuk vijnë nga viti 1946 për ta kundërshtuar fashizmin, por si polici jozyrtare e elitës neoliberale e cila kontrollon partitë socialdemokrate dhe demokristiane, nga viti 2012 u vu nën kontrollin e Jonathan Soros, i biri George Soros, përzgjedhja e të cilit tashmë konfirmohet se nuk është rastësi. Në veçanti, kur del në pah agresiviteti i saj pas vitit 2016, kur President i SHBA u zgjodh Donald Trump.
Sot nuk është rastësi kur nga zemërimi shqiptarët shpërthejnë kundër ambasadorëve dhe ndërmjetësve ndërkombëtar me shprehjet si “sorosist”, “kinez”, “komunist”, por çuditë fakti kur këto shprehje gjithnjë e më shumë po dëgjohen nga e djathta tashmë e pakënaqur me situatën në të cilën ndodhet opozita dhe mbështetjen që i ofrojnë ndërkombëtarët. Madje, as Ambasadorja e emëruar nga Presidenti Trump, Yuri Kim, nuk qetësoj epshet e të pakënaqurve që mbrëmë u bënë edhe shqetësuese; Jo se i prishin shumë punë Ambasadores Kim, por i prishin shumë të ardhmes së kombit shqiptar, i cili nuk ka tjetër aleatë besnik ndërkohë që Antifa po zë sërish terren gjithnjë e më shumë. Pse sërish?!
Sikur fryma e Antifas të ishte shfaqur ndër të majtët shqiptarë kjo është e natyrshme, aq e natyrshme sa Nënkryetarit të LSI, Petrit Vasili i rrinë dhe mirë fjalët kur shanë Shtetet e Bashkuara, duke pasur parasysh të kaluarën e partisë nga vjen. Por kjo nuk i shkon asnjë demokrati, as atyre që u indoktrinuan për momentin me koalicionin e Likes dhe mbështetjen që i dhanë në disa protesta idiote që ky antishqiptar i organizoi duke abuzuar me flamurin, shqiponjën dhe së fundi edhe kombin.
Por Ilir Meta nuk e akuzoi rastësisht edhe George Sorosin!
Antifa është rrezik kombëtar dhe ajo nuk është futur rastësisht në Partinë Demokratike. Për ta kuptuar rrezikun e kësaj lëvizje dhe rrugëzgjidhjen, duhet kuptuar zanafillën e shfaqjes së kësaj lëvizje kriminale deri në momentin kur po troket në portën shqiptare.
Në vitet ’80-të, Schwarzer Block u shpik nga policia në Berlinin Perëndimor dhe emërtoheshin autonomistët e bllokut Kreuzberg, e cila në atë kohë ishte pranë Murit të Berlinit dhe në vitin 1990 ishte në zonën nën administrimin ushtarak amerikan. Ky detaj është shumëi rëndësishëm sepse në atë kohë në Minneapolis, në shtetin federal amerikan Minnesota, u shfaq Anti-Racist Action Network, ARA e që bashkëpunonin ngushtë me agjitpropin.
Aksionet kryesore të tyre ishin lufta kundër seksizmit, homofobisë, emigracionit, traditës së tepruar, antisemitizmit dhe abortit. Shkurt, u morën me aktivitete që çojnë në heqjen e shoqërisë tradicionale, zakonisht me metoda të pista, ose metoda që mund të gjenden edhe në programet zyrtare të Komisionit Evropian në Bruksel dhe organizatave joqeveritare nga Bota e Sorosit
Përveç mbrojtjes së pakicave të preferuara, specialiteti i kësaj organizate ishte që kundërshtarët politikë ti quaj “fashist”, ishin apo jo të tillë. Më pas publikohen listat e zeza, të hartuara me kujdes që përditësohen me rregull.
Ky model nuk piku nga qielli. Ai u bazua në modelin e lëvizjes Friends of Democracy, që në fakt ishte dega amerikane e shërbimeve sekrete britanike gjatë luftës së dytë botërore. Qëllimi i tyre zyrtar ishte që të fusin amerikanët në luftë, por edhe të mashtrojnë të pakënaqurit, gjë të cilën e bënë deri në fund të konfliktit. Kanali i komunikimit quhej Propaganda Battlefront, emërtim i cili u ngjallë në vitin 2012 nga Jonathan Soros, i biri i George Soros.
Nuk duhet harruar se etiketimin “antifashist” e kishin edhe komunistët evropianë të viteve ’30-të e cila u dha legjitimitet, por pas rënies së Murit të Berlinit ndër grupimet “antifa” ra dhe antifashizmi komunist historik. Me marrjen e brendit nga “antifashistët” e rinj u monopolizua edhe përdorimi i etiketimit të “fashistëve” famëkeq, të cilin e merrnin dhe e marrin të gjithë që 100 % nuk binden me postkomunizmin e amerikanizuar, i cili u shfaq në vitin 1989.
Pra, kjo është arsyeja pse shumica e grupimeve “antifa” u shfaqën në atë kohë dhe emri i tyre i përbashkët janë “dosjet”. Pas shtëllungave të tymit nga gazi lotsjellës, kapuçave të zi dhe dyqaneve të thyera, gjithmonë është lufta kundër rivalëve politik, pavarësisht nga qëndrimet politike ose fetare. Këtë lloj detyre nuk mund ta zbatojnë forcat që e kanë për detyrë ruajtjen e rendit dhe qetësisë publike. Kjo është dhe arsyeja që këto lëvizje janë të integruara në shërbimet sekrete dhe ato të policisë, gjë që u dëshmua edhe gjatë trazirave të vitit 1997 në Shqipëri.
Ajo që i vë kapakun gjithë kësaj maskarade është lehtësia me të cilën mobilizojnë mediat në anën e shkelësve të ligjit dhe këto ditë u pa në SHBA se as racizmi për të cilin u ngritën nuk përfillet fare, kur një polic vritet dhe ishte i zi. Dhe, gjithmonë, organizatorët real të sulmeve të dhunshme, që bëhen në emër të mbrojtjes së demokracisë dhe antifashizmit, gjithmonë mbeten në liri dhe faturën e paguajnë protestuesit me qëllim të mirë.
Dhe, derisa derdhen pyetje pa fund për arsyetimin e dhunës së tyre urbane, “antifashistët” krenar të shekullin XXI me sukses vazhdojnë të fshihen nga kundërshtari politik me “Deep State”. Në SHBA kjo është zgjidhur me zbërthimin që po i bënë Presdenti Donald Trump ndërsa në rastin tonë situata është paksa e komplikuar.
Antifa sot është rrezik serioz kombëtar dhe kjo lëvizje kriminale nuk është rastësisht prezent në Tiranë ndonëse mund ta shohim edhe në Paris, Berlin dhe Romë.
Kjo ndodhi edhe në Shqipëri si në vitin 1991 ashtu dhe 1997. Lëvizjen antienveriste e morën nën kontroll dhe e finalizuan ashtu siç e kishin parashikuar. Pushteti i humbur i komunistëve u rikthye së shpejti!
Në vitin 1997, kur antiamerikanizmi dha shkëndijat e para, Antifa ishte aty me bidona nafte mbi zjarr për të shkaktuar një shpërthim i cili shumë shpejtë doli jashtë kontrollit. Organizatorët, që u përqendruan brenda një medie, mobilizuan popullin, u krijuan trazirat, komunistët u rikthyen në pushtet dhe ashtu siç ndodh me Antifan, organizatorët e saj nuk dolën para drejtësisë dhe sot janë më të fortët dhe më të pasurit në vend.
Dhe, koka e këtij krimi nuk iku! I gjithë ky lidership mediatik kriminal sot drejton të gjitha mediat në vend, përveç se kanë pushtetin, atë për të cilën luftuan. Ndonëse me paaftësi politike ata sot po krijojnë pa dashje dhe një avantazh ndaj rivalit, me ndihmën e këtij të fundit.
Mungesa e konsensusit për Reformën Zgjedhore nuk shpërfaqi problemin real që ka ky vend, aq më pak fajtorin mbi të cilin drejtuan gishtin të pakënaqurit me ofertën amerikane. Yuri Kim, nuk është as kineze, as komuniste dhe aq më pak sorosiste. Ajo është emëruar Ambasadore e SHBA në Tiranë nga Presidenti Donald Trump. Nga ajo SHBA e cila i mundësoi Shqipërisë të firmos Marrëveshjen e Stabilizim Asocimit kur Partia Demokratike ishte në pushtet; Nga ajo SHBA e cila i mundësoi Shqipërisë anëtarësimin në NATO me ndihmën e SHBA kur Partia Demokratike ishte në pushtet; Nga ajo SHBA, Presidenti i së cilës tha në Tiranë se ka ardhur koha që Kosova të jetë e pavarur kur Partia Demokratike ishte në pushtet; Nga ajo SHBA që i mundësoi Shqipërisë të liberalizoi vizat kur Partia Demokratike ishte në pushtet; Dhe ajo SHBA, me ndihmën e së cilës Lulzim Basha u bë kryetar i Bashkisë Tiranë, dhe nuk pyeste njeri për Kod Zgjedhor, Reformë apo çmenduri të tilla si Këshill Politik. Me një fjalë, ajo SHBA që i dha Shqipërisë gjithçka që ka të vlefshme, dhe të cilën e ka arritur kur Partia Demokratike në pushtet!
Në fund, Shqipëria sot nuk mund të rrezikohet nga një Ambasador i SHBA që fut duart në Reformën Zgjedhore, pavarësisht racës, emrit dhe formës së syve.
Sot rrezik serioz kombëtar është Antifa dhe ndonëse ka prek edhe PD-në, Shqipërinë mund ta shpëtoi vetëm Partia Demokratike.
