“AntiKÇK dhe Shëndetësi falas”/ Pasi Presidenti sulmoi Ambasadën e SHBA, Edi Rama e diagnostifikon falas dhe paralajmëron…

Pasi Ambasada e SHBA propozoi që zgjidhja rreth ngërçit me Gjykatën Kushtetuese të kërkohet nga Komisioni i Venecias dhe ajo u mbështet nga ambasadat e disa shteteve të BE, dhe Presidenti e refuzoi idenë i bindur se ky nuk është shtet i ambasadave, Kryeministri Edi Rama heshti.

Sot, kur ujërat u qetësuan paksa, dhe asgjë nuk ndryshoi në realitetin shqiptar, Edi Rama duke paralajmëruar prezantimin për nesër të Paketës Speciale AntiKÇK thekson se ambasadat e partnerëve strategjikë të Shqipërisë janë vënë në shënjestrën e politikës mjerane të të çmendurve nga frika e drejtësisë.

“Falë ndihmës së ekspertëve të huaj të klasit të parë në luftën kundër terrorizmit, mafias dhe krimit të organizuar, ky mekanizëm do shkatërrojë themelin e foleve të krimit. Paketa Speciale AntiKÇK do të provojë përsëri, se sa të paçmueshëm janë këta partnerë në luftën e Shqipërisë për progres dhe drejtësi,” thekson Edi Rama përmes rrjetit social Facebook duke vazhduar me akuzat ndaj Presidentit dhe me moszbatimin e asnjërës prej paketave ligjore që pengojnë krimin të veproj në këtë shtet të qeverisur vetëm nga krimi.

Kështu dhe Paketa Speciale AntiKÇK, nuk është një flluskë e radhës por një vaskë me flluska ku KÇK-në nuk e gjeti në mesin tonë por e krijoi si mundësi për lehtësimin e spastrimit të Sistemit të Drejtësisë.

Sot kur në folenë më të madhe të këtij krimi, Gjykata e Apelit dhe jo vetëm funksionon sipas parimit KÇK, Edi Rama harton Paketa Speciale pa qenë i vetëdijshëm se me veprimin e kësaj pakete, për shumë pak kohë mund të ngelet edhe pa gjyqtarët e vettingut të cilët nuk e vrasin mendjen më shumë për pastërtinë e sistemit të drejtësisë sepse KÇK ju rezulton më e besueshme se sa partneriteti me Kryeministrin.

Ja postimi i plotë:

Nesër prezantojmë Paketën Speciale AntiKÇK. Një mekanizëm i ri me fuqi speciale kundër krimit e korrupsionit. Falë ndihmës së ekspertëve të huaj të klasit të parë në luftën kundër terrorizmit,mafias dhe krimit të organizuar, ky mekanizëm do shkatërrojë themelin e foleve të krimit?

Sot kur partnerët strategjikë të Shqipërisë dhe ambasadat e tyre janë vënë në shënjestrën e politikës mjerane të të çmendurve nga frika e drejtësisë, Paketa Speciale AntiKÇK do të provojë përsëri, se sa të paçmueshëm janë këta partnerë në luftën e Shqipërisë për progres dhe drejtësi??????? Pa mbështetjen e SHBA/BE dhe ndihmën e përfaqësuesve të tyre në Shqipëri,s’do kishte nisur dot kurrë pastrimi i llumit të madh të (pa)drejtësisë e s’do të ishte hapur dot kurrë perspektiva e barazisë së vërtetë para ligjit! Edhe Paketa Speciale AntiKÇK s’do të bëhej dot pa ndihmën e tyre