AntiKÇK, Edi Paloka: Rama i shpjegon Rrajës se si do luftojë krimin!

Ndërkohë që Kryeministri po vazhdonte spektaklin e prezantimit të Paketës Speciale AntiKÇK, Nënkryetari i Partisë Demokratike, Edi Paloka, reagon duke theksuar se mjafton të shohësh auditorin për të kuptuar se si do ta zhdukë Edi Rama folenë e krimit ndërsa sqaron Rrahman Rrajën, nipi i të cilit akuzohet për atentat ndaj një prokurori të kërcënuar nga Rama.  

“Do të ishte një “Stand up comedy” nëse ai që po jep ‘shfaqje’ prej orësh, nuk do të ishte në karrigen e kryeministrit të vendit të cilin ai dhe askush tjetër e ka kthyer në parajsën e kriminelëve dhe oligarkëve.” 
Në fakt, thekson Edi Paloka në reagimin e tij përmes rrjetit social Facebook, edhe sot komentet janë të tepërta:

“Mjafton të shohësh ‘auditorin’. Rama po i shpjegon Rrahman Rrajës se si do të zhdukë foletë e krimit…ndërkohë që nipi i Rrajës akuzohet për atentat ndaj një prokurori (të kërcënuar nga Rama) dhe i biri për përdhunim.”