Antisemitizëm në Beograd: “Vraje, preje në fyt, që hebreu të mos ekzistojë”
Në Serbi edhe njëherë u dëshmua se ka prezencë të lartë antisemitizmi. Kjo u shfaq gjatë vizitës së presidentit të Izraelit, Reuven Rivlin në Beograd.
Pavarësisht që Beogradi zyrtar e priti me nderime Rivlinit, aty u shfaqën grafite antisemite, raporton KTV.
Njëra nga rrugët e kryeqytetit serb që quhej “Jevrejska” u fshi dhe u zëvendësua me “Srpska”.
Gjithashtu grafite të tjera zbardhën ditën e vizitës së të parit izraelit në Beograd.
“Vraje, preje në fyt që hebreu të mos ekzistojë”.
Kjo lloj diplomacie serbe me Izraelin ka vazhduar tradicionalisht, mirëpo është rritur antisemitizmi sidomos prej vitit 1999, kohë kur ish-Sekretarja e Shtetit amerikan Medelin Albright ishte simbol i bombardimeve ndaj Serbisë.
Në analet e marrëdhënieve diplomatike Serbi- Izrael janë shënuar edhe votime rezolutash në dëm të shtetit izraelit. Diplomacia arabo-palestineze në Beogradin zyrtar është shumë aktive dhe e mirëpritur aty.
