Anulimi i 30 Qershorit/ Hapi i parë, Basha: Largimi i Ramës, i panegociueshëm!

Protesta e 8 Kombëtare e Opozitës filloi ndryshe ndonëse policia e Ish-Gjeneral Sandër Lleshajt po bënte përpjekje maksimale për ti shndërruar ato në protest të dhunshme.

Vendimi i Presidentit të Republikës me anulimin e zgjedhjeve të 30 Qershorit bëri që sot Kryetari i Partisë Demokratike, Lulzim Basha, të filloj protestën me një hap të shumë të rëndësishëm përpara por me një mesazh të qartë si për Kryeministrin ashtu edhe ndërkombëtarët, se largimi i Edi Ramës është i panegociueshëm.

Meqë vendimi i Presidentit të Republikës ishte lajm i madh për pjesëmarrësit e protestës, përgjimet e publikuara nga gazeta gjermane “Bild” ishin të pashmangshme në fjalimin e Lulzim Bashës, ku dhe theksoi se e gjithë Europa e di që Edi Rama është zgjedhur jo me votat e popullit, por nga bandat dhe krimi i organizuar.

“E gjithë Europa është shokuar nga përgjimet e publikuar nga BILD. Ato tregojnë se Rama është kryeministër ilegjitim, se qeveria e tij është qeveri ilegjitime.

Pushtetin nuk e mori me vota, e mori me krimin, kriminelët dhe bandat, e gjithë bota e di që sot sundon një qeveri e zgjedhur nga mafia dhe jo populli.

Vëllezër dhe motra, anulimi i procesit kriminal të 30 qershorit nuk është fundi i betejës tonë. Nuk është as pak fundi i betejës tonë, është vetëm një rezultat i qëndresës së një populli të bashkuar, për nëj Shqipëri si gjithë Europa”, tha Basha ndërkohë që policët në shërbim të Ish-Gjeneral Sandër Lleshajt po provokonin protestuesit e linjave të para kreu i opozitës kërkoi nga protestuesit që të mos ushtrojnë dhunë ndaj policëve sepse këtë gjë e dëshiron Edi Rama.

“Mos ndërmerrni asnjë vendim që dëmton protestuesit apo vëllezërit tanë me uniformë, zemërimi juaj është i ligjshëm, por ka vetëm një njeri që do dhunë, dhe lutet për dhunë dhe ai është njeri që do t’i shpëtojë gjykimit të popullit, dhe ky është Edi Rama dhe banda e tij. Por gjykimit të Europës dhe gjykimi i popullit po vjen.”

Dhe derisa policët në detyrë për të provokuar protestuesit vazhduan përpjekjet e tyre, lideri i opozitës vazhdoi:

“Kryeministri i Avdylajve e mori pushteti me dhunë dhe kërcënuan votuesit e opozitës, paguanin për votat dhe i trajtonin administratorët e pushtetit si zagarët e tyre, sepse të tillë i ka shndërruar Edi Rama. Kjo është vepra e kryeministrit të Avdylajve.

Me dhunë e ka marrë pushtetin dhe mendonte se me dhunë do e mbante pushtetin, i kapi të gjitha, Parlament, prokurorinë shërbimet sekrete, kapi organet e reja të drejtësisë, mendoi se do nënshtronte popullin, sot ka kapur çdo institucion bandat e Avdylajve dhe Edi Rama”, tha Basha

“Një hap i vogël përpara…”

Vendimi i Presidentit Ilir Meta për të anuluar datën  e zgjedhjeve 30 Qershor, nga Kryetari i Partisë Demokratike, Lulzim Basha, u konsiderua si një hap i vogël pëpara, sukses i opozitës, por që largimi i Edi Ramës është i panegociueshëm:

“Presidenti i Republikës ka marrë vendimin për anulimin e 30 qershorit, datës së planifikuar nga regjimi kriminal autokratik për të ekzekutuar krimin e shëmtuar elektoral, për të kapur përmes një procesi monist, antikushtetues, pushtetin vendor.“

Ky vendim i Presidentit u prit me entuziazëm nga pjesëmarrësit e protestës së tetë kombëtare:

Ndërsa Basha vazhdoi:

“Kjo është vetëm rezultat i forcës tuaj.Ishte ky bashkim që diktoi anulimin e 30 qershorit, procesin kriminal, të juntës kriminale. Është forca e drejtësisë së kauzës tonë, ajo që dikton këto vendime. Le ta themi këtu të gjithë, le ta ndajmë me çdo shqiptar anë e mbanë vendit vendosmërinë tonë për ta çuar këtë betejë deri në fund, deri në fitore. Rama ik!”

Lideri i Opozitës e pranoi se kemi të bëjmë me një hap të vogël përpara ndërsa vendosmërinë e opozitës për largimin e Edi Ramës, Basha e arsyetoi me faktin se Rama nuk mund të reformohet:

 “Anulimi i 30 qershorit është forca e parë e provës tonë të bashkuar, por është vetëm një hap i vogël përpara. Ne do ta vazhdojmë këtë betejë. Ne jemi të vendosur. T’ju dëgjojë bota. Rama ik!”

Me këtë fuqi do të vazhdojmë betejën tonë, tha Kryetari i Partisë Demokratike, Lulzim Basha, sepse ora e fitores po afron:

“Edi Rama nuk mund të reformohet, Edi Rama është koka e shtetit kriminal të bërë njësh me krimin. Edi Rama duhet të largohet. Ndaj, në emrin tuaj dua të siguroj këto mik dhe aleat që na dëgjon sot për zotimin tonë të parë, ditën e parë të kësaj beteje më 16 shkurt se ne nuk kërkojmë asgjë më shumë se parimet, vlera dhe normat e standardeve demokratike, se normat e standardeve të Amerikës, ne kërkojmë liri, demokraci, sundim ligji dhe ndarje të pushteteve.

Nuk do të pranojmë asgjë më pak. Me këtë fuqi do të vazhdojmë betejën tonë, sepse ora e fitores po afron. Largimi i Edi Ramës është i pa negociueshëm. Ky vend është mbajtur tepër gjatë peng, i një njeriu që për karrigen e tij bëri pakt me krimin dhe solli krimin në Parlament dhe në krye të institucioneve.

Ky vend është mbajtur për një kohë të gjatë peng të një njeriu të vetëm, që e mbushi Shqipërinë me drogë, mbushi Parlamentin me trafikantë. Ky njeri ia fali të gjitha pasuritë publike një grushti oligarkësh, ndërkohë që një në dhjetë shqiptar nuk ushqehet më shumë se një herë në ditë,” tha në fund të fjalës së tij, lideri i opozitës duke bërë thirrje:

Më pas Lulzim Basha ftoi pjesëmarrësit për marshimdrejtë Parlamentit:  

Tek Parlamenti skenari u përsërit nga protesta e kaluar, Ish-Gjeneral Sandër Lleshaj nuk kishte vendosur kordon policie pranë institucionit më të rëndësishëm në vend ndërkohë që protestuesit fillimisht u treguan të përmbajtur. Hedhja e ca kapsollave dhe fishekzjarreve pati si përgjigje një re të madhe me gaz lotsjellës, sasi kjo aq e madhe sa mungonte vetëm Assadi sepse regjimi u shfaq me zellin e tij më kriminal.

Ndërsa tensionet ishin në rritje dhe kishin kaluar rreth dy orë e gjysmë nga protesta e opozitës, Kryetari I PD, Lulzim Basha e shpalli protestën e mbyllur dhe i ftoi të gjithë në selinë e Partisë Demokratike.

Dhe, deri sa Kryetari i Partisë demokratike, Lulzim Basha, po mbante fjalimin tradicional të përmbylljes së protestës në selinë e partisë, një numër i vogël protestuesish vazhduan të qëndrojnë përpara Parlamentit ku u detyrua të ndërhyjë Sekretari i përgjithshëm i PD-së, Gazment Bardhi, duke i kërkuar protestuesve që të largohen:

“I bëj thirrje qytetarëve kaq të paktë sa janë këtu, nuk kanë kryer asnjë akt dhune, që pavarësisht provokimit të drejtuesve kriminal të policisë së shtetit, të tërhiqen për të mos vënë në jetë skenarin kriminal të Edi Ramës. E kemi bërë të qartë që në fillim të protestës që ne nuk jemi për akte dhune. I vetmi që ka skenarë dhune që ditën e parë kur ka ardhur në pushtet, është vetëm një njeri, Edi Rama. Edi Rama ta harrojë se mund t’i dhunojë dhe provokojë shqiptarët. E vetmja gjë që mund të bëjë sot e në vijim, është largimi i menjëhershëm nga detyra,”