Anulimi i projekteve korruptive/ Zotimi, Basha: Do të nisim nga Milot-Balldren, paratë do ti kthehen shqiptarëve!

Kryetari i Partisë Demokratike, Lulzim Basha është zotuar në Lezhë se do ti anulojë të gjitha projektet korruptive të Edi Ramës, duke nisur me koncesionin e rrugës Milot-Balldren.

“Anulimi i të gjithë aferave korruptive duke nisur me Milot-Balldren dhe këto para do i kthehen shqiptarëve. Kjo do na japë mundësi që 100 milionë euro ti japim për mbështetje me subvencione fermerëve nëpërmjet një sistemi të digjitalizuar,” tha Lulzim Basha duke shtuar se as në Japoni nuk ndërtohen 17 km rrugë me 300 milionë euro, siç ndërton kjo qeveri në Milot-Balldren.

“Prandaj nuk ka para për fermerët dhe pagat më të ulëta në rajon. Buxheti i shtetit do të administrohet mirë, ka mundësi të mbështesë fermerët dhe jo të gjithë lekët të shkojnë për një grusht oligarkësh.”

Kryetari i Partisë Demokratike, Lulzim Basha, takimin në Lezhë e zhvilloi në kuadër të turit të tij “Rrugëtimi për Shqipërinë”.