AP OKB, Edi Rama: E dashur Serbi, Kosova e pavarur është realitet
Sot Presidenti i Serbisë, Aleksandar Vuçiç me tu kthyer nga New Yorku bëri të ditur se për 15 ditë do të firmosin njē marrëveshje me Edi Ramën për një treg të përbashkët ndërkohë që me Kosovën, Qeveria Rama jo vetëm që nuk unifikoi tregun por ka shtuar dhe një tra në Kalimash, duke i vështirësuar biznesit kosovar lëvizjen e lirë të njerëzve dhe mallërave përveç se në BE edhe në tokën shqiptare.
Dhe, përkundër kësaj politike diskriminuese ndaj kosovarëve që zbaton Qeveria e Shqipërisë, Kryeministri i saj Edi Rama sot gjatë fjalës në Asamblenë e Përgjithshme të OKB, bëri atë që bënë më së miri, aktëroi! Ai bëri thirrje për liberalizimin e vizave për Kosovën, ndërsa i është drejtuar Serbisë duke thënë se Kosova e pavarur është një realitet dhe duhet të njihet si e tillë dhe prej tyre.
“Shqipëria nuk e fsheh ambicies e saj për të qenë anëtare jo e përhershme në Këshillin e Kombeve të Bashkuara. Ju bëj thirrje të gjithëve këtu për të mbajtur shënime për ta pasur Shqipërinë në listë. Rajoni ballkanik është përballur me diktaturën komuniste dhe me luftërat e përgjakshme. Me një sërë mosmarrëveshjes që vazhdojnë, Shqipëria ka kremtuar Marrëveshjen e Prespës për çështjen e emrit të Maqedonisë së Veriut.
Republika e Kosovës e ka provuar veten si partnere e besueshme në rajon. Ka ardhur koha që miqtë tanë serbë të njohin pavarësinë e Kosovës, për t’i dhënë hakun historisë,” tha Edi Rama në Asamblenë e Përgjithshme të OKB por meqë nuk e kishte të dashurin serb Aleksandar Vuçiç iu drejtua shtetit që ai drejton:
“E dashur Serbi, Kosova e pavarur është një realitet. Bëni histori për veten tuaj dhe më gjerë. Është e rëndësishme që Kosovës t’i jepet mundësia të bëhet pjesë e të gjitha organizatave ndërkombëtare, siç bëhen të gjitha shtetet e globit. Unë shpresoj e besoj se Ballkani Perëndimor të shkëputet nga e kaluara dhe të zhvillohet më tej.
Është e pajustifikuar që Kosova, një shtet me 2 milionë banorë, mbetet populli më i izoluar në Europë, pa pasur liberalizim vizash. Si është e mundur që BE ende të mbajë peng vetëm 2 milionë njerëz që kanë luftuar kaq fort për lirinë e tyre dhe që mbeten të angazhuar ndaj perspektivës sv saj europiane. E dashur BE, ndaloje këtë iniciativë të pakuptimtë,” tha Edi Rama duke folur për Kosovën dhe duke mbajtur sytē nga Beogradi me të cilën ka bërë gati marrëveshjen për unifikimin e tregut, pa e pyetur veten se pse Mali i Zi e refuzon një gjë të tillë ndërsa jetuan në njē shtet të përbashkët, dhe Bosnje Hercegovina e ka refuzuar pa diskutim edhe kur Vuçiç e propozoi “duke i rënë nga Kina” në një konferencë për shtyp që nuk kishte të bënte as me tregun, as me rajonin dhe aq më pak pēr bashkëpunimin!
