Apel për të moshuarit mbi 70 vjeç, MSH: Ju lutem mos dilni nga shtëpitë!

Ministria e Shëndetësisë ndërsa ka përditësuar të dhënat për të prekurit dhe situatën e krijuar nga koronavirusi, u ka bërë thirrje të gjithë qytetarëve shqiptarë mbi 70 vjeç, që mos të dalin nga shtëpia, pasi rrezikojnë të preken nga COVID 19.

Zv/ministrja e Shëndetësisë, Mira Rakacolli, pasi raportoi se deri më tani numri i të prekurve ka shkuar në 51, ndërkohë që në Spitalin Infektiv janë shtruar 20 persona përsëriti thirrjen.

“Nisur nga sa ju informuam, dua të përsëris edhe një herë thirrjen për qytetarët:
Telefononi në numrin 127!
Jepuni informacion të hollësishëm stafeve mjekësore!

Nëse mbani të fshehtë informacionin e lëvizjeve tuaja nga personeli shëndetësor, rrezikoni të infektoni personelin dhe të afërmit tuaj.
SOT ËSHTË DETYRIM që të mbrojmë personelin shëndetësor.

Ju lutem qytetarë: Shmangni vajtjet direkte në spitale.
Qëndroni në shtëpi! Respektoni rregullat e reja! ishte thirrja e Zv/ministres së Shëndetësisë, Mira Rakacolli, ndërsa një apel të veçantë kishte për të moshuarit mbi 70 vjeç:

Ju lutem mos dilni nga shtëpitë!