Apel Ramës dhe Bashës/ Pas 5 Qershorit, Yuri Kim: Çdo propozim me mirëbesim!

Pas ndryshimeve që Kryeministri dhe Kryetari i Partisë Socialiste, Edi Rama, i bëri Marrëveshjes së 5 Qershorit me hapjen e listave dhe koalicionet, dhe së fundi zhvlerësimit që i bëri Këshillit Politik përmes Përfaqësuesit të PS në Këshill, Damian Gjiknuri, reagoi Ambasadorja e SHBA në Tiranë, Yuri Kim, duke e bërë të qartë se çdo propozim përtej zotimit që kanë marrë Kryeministri Rama dhe Kryetari i PD, Basha, duhet të jetë me mirëbesim.

“Në i kujtojmë kryeministrit Rama, kryetarit të PD Basha dhe të gjithë drejtuesve të tjerë për të gjitha angazhimet që kanë marrë për 5 qershorin dhe çdo masë përtej 6/5. Angazhimi, propozimet dhe kundërpropozimet duhet të jenë në mirëbesim,” thekson Ambasadorja amerikane, Yuri Kim, në reagimin e saj përmes rrjetit social Twitter, duke përfunduar:

“SHBA gjithmonë do t’ju mbështesë, por ju drejtuesit shqiptarë jeni pala më përgjegjëse.”