Apeli i GJKKO, Ish-Kryetari i Bashkisë Bulqizë, Lefter Alla, 3 vite burg

Gjykata e Posaçme e Apelit ka dënuar me 3 vite burg Ish-Kryetarin e Bashkisë Bulqizë, Lefter Alla, për shkelje të barazisë në tendera dhe shpërdorim të detyrës.

Në aplikim të gjykimit të shkurtuar Lefter Alla përfundimisht do të vuajë dënimin me dy vite heqje lire.

Ndërkohë biznesmenët Aqif Konesha dhe Rasim Daci, si dhe punonjës të kompanisë, u dënuan nga gjykata për falsifikim dokumentesh nga 1.6 deri në 1.9 vite burg.

Vendimi nuk ndryshoi edhe për personat e tjerë të përfshirë. Dënimi i Ish-Nënkryetares Enkeleda Lleshi u konvertua në shërbim prove, lirim më kusht përfituan edhe 4 ish punonjës të bashkisë të cilët nga SPAK akuzohen për  shkelje të barazisë në tendera pasi ishin pjesë e Komisionit të vlerësimit të ofertave.

Ndryshe, Lefter Alla  u arrestua me 15 mars të vitit 2023 me akuzën për favorizimin e dy kompanive në tenderin “Ndërtim i rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ , Lagja e vjetër, qyteti Bulqizë”, me vlerë rreth 3 mln euro.