Apeli i GJKKO kundër Berishës, avokati Gjokutaj: U shkelmua Kushtetuta!

Apeli i GJKKO vendosi që mos t’i lejojë Kryetarit të Partisë Demokratike, Sali Berisha, të shkojë në seancat plenare në parlament. Pas këtij vendimi, avokati i Ish-Kryeministrit, Genc Gjokutaj tha se Apeli i GJKKO-së vepron me regji, shkelmoi Kushtetutën e vendit.

“Ky vendim i sotëm vendosi rrëzimin e kërkesës sonë. Sot u vërtetua shkelmimi i Kushtetuës edhe nga Apeli. Këta janë sy që nuk shikojnë dhe veshë që nuk dëgjojnë, me regji. Duam që të lirohet Berisha, sepse nuk ka akuzë dhe nuk ka prova. Këta kanë vënë trupat e tyre për ta mbajtur në këmbë sistemin,” tha avokati i Ish-Kryeministrit Sali Berisha, Genc Gjokutaj, duke përfunduar:

“Kjo gjykatë me vendimin e saj e largoi veten nga ligji dhe Kushtetuta. Nuk pranon SPAK as ekspertizat, asgjë. Kjo është çartje dhe lajthitje.”