Apeli i GJKKO lë në burg Erion Veliajn, SPAK informon për 114 veprime hetimore

Gjykata e Apelit të GJKKO ka lënë në burg Kryetarin e Bashkisë Tiranë, Erion Veliaj, i arrestuar për korrupsion që nga 10 shkurti i këtij viti.

Pasi u njoh me informacionin dy mujor dhe veprimet hetimore të kryera nga SPAK, sot Gjykata e Posaçme ka hedhur poshtë revokimin për ndryshimin e masës për Erion Veliajn dhe për biznesmenin Elman Abule.

Prokuroria e Posaçme ka sqaruar se gjatë kësaj kohe janë kryer 114 veprime hetimore që lidhen me dosjen ndaj Erion Veliajt, duke përfshirë kontrollin e celularëve të sekuestruar si dhe marrjen e dëshmisë.

Ndryshe, Kryetari i Bashkisë Tiranë, Erion Veliaj, akuzohet për “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.

Gjithashtu akuzohet për “futjen e sendeve të ndaluara në qelitë e paraburgimit”.