Apeli lë në fuqi sekuestron e pronave të Ish-kryeprokurorit Llalla

Gjykata e Apelit të Krimeve të Rënda ka lënë në fuqi vendimin e Shkallës së Parë që i sekuestroi pronat me vlerë prej 1 miliard lekë të ish-kryeprokurorit Adriatik Llalla. Vendimi është marrë sot, ndërsa mësohet se avokati i Llallës nuk ka qenë i pranishëm në seancë.

Adritik Llalla kërkoi rrëzimin e vendimit të Shkallës së Parë dhe rikthimin e tyre në gjendje të lirë. Ankimi i Llallës u depozitua nga avokati i tij Sokol Hazizaj, i cili kërkoi nga gjykata të heqë sekuestron ndaj pasurive të tij.

Pak ditë më parë, me kërkesë të Prokurorisë së Krimeve të Rënda, Llallës iu sekuestruan mijëra metra tokë bujqësore dhe truall si person në hetim nwn akuzën e pastrimit të parave dhe mosdeklarimit të të parave në kufi.