Apeli lë në fuqi vendimin, 2 vite burg për Ish-Kryeprokurorin Adriatik Llalla
Gjykata e Apelit të Posaçëm ka lënë në fuqi vendimin për dënimin me 2 vite burg për Ish-Prokurorin e Përgjithshëm, Adriatik Llalla.
Gjithashtu vendimi përfshin edhe 5 vite heqje të së drejtës për të ushtruar funksione publike si dhe konfiskim të pasurisë së Ish-Prokurorit të Përgjithshëm.
Ndryshe, Adriatik Llalla u dënua me 2 vjet burg nga Gjykata e Shkallës së Parë nën akuzën e deklarimit të rremë dhe fshehjes së pasurisë
Ish-Prokurorit të Përgjithshëm iu sekuestruan 4 sipërfaqe toke, në total 22 mijë metra katrore dhe 1 apartament në Durrës dhe i kaluan shtetit.
