Apeli liron Tahirin, do hetohet në gjendje të lirë

Gjykata e Apelit të Krimeve të Rënda ka vendosur të shfuqizojë vendimin e Gjykatës së Shkallës së Parë për masën e sigurisë “arrest shtëpie” ndaj ish-ministrit të Brendshëm Saimir Tahiri, dhe tashmë Tahiri do të hetohet në gjendje të lirë.

Sipas avokatit Maks Haxhia,Saimir Tahiri është pa asnjë masë sigurie, duke u shprehur se nuk ka asnjë provë për t’i lidhur me këtë veprimtari kriminale për të cilat akuzohet.

“Përfundimisht Tahiri është pa masë sigurie. Gjykata shfuqizon masën ndaj ish-ministrit. Nuk ishte fitore personale por e bazuar mbi ligjin”, u shpreh Haxhia.