Apeli përgjysmon dënimin e Darko Tasiçit për krime lufte! Pse hesht Taulant Balla?!
Gjykata e Apelit ka përgjysmuar dënimin e Darko Tasiçit, që nga Gjykata Themelore e Prizrenit ishte dënuar me 22 vjet burg në muajin qershor për krime lufte ndaj popullatës civile në vitin 1999 në Krushë të Vogël.
“Gjykata e Apelit, gjeti se në veprimet e të akuzuarit, të ndërmarra gjatë luftës se fundit në Kosovë, konkretisht ndërmjet datës 25-27 mars 1999, përmbushen të gjitha elementet e veprës penale “Krime lufte kundër popullsisë civile” nga neni 142, lidhur me nenin 22 të Ligjit Penal të Republikës Socialiste Federative të Jugosllavisë( LPRSFJ), vepër kjo sanksionuar edhe sipas nenit 3 Konventës së Gjenevës dhe protokollit të dytë të saj. I akuzuari, është dënuar nga Gjykata e Apelit më 11( njëmbëdhjetë) vjet burgim, në të cilin i është llogaritur edhe koha e kaluar në paraburgim,” thuhet në njoftimin e Gjykatës së Apelit.
Tasiç ishte dënuar më 22 qershor me 22 vjet burg për krime lufte ndaj popullatës civile në vitin 1999 në Krushë të Vogël të Prizrenit. Gjykata Themelore e Prizrenit e kishte shpallur Tasiçin fajtor për pikën dy të aktakuzës për përdhosjen e trupave të pajetë të personave të paidentifikuar, duke i djegur ato dhe duke i hedhur në lumin Drin.
Darko Tasiç ishte shpallur fajtor edhe për akuzën se mes 15-26 marsit 1999 në Krushë të Vogël si pjesëtar i forcave rezervë të Policisë së Republikës Federative të Jugosllavisë, në bashkëkryerje me persona tjerë, identiteti i të cilëve nuk është arritur të përcaktohet, mori pjesë në konfiskim të pasurisë, plaçkitje, shkatërrim të paligjshëm dhe të qëllimshëm të pasurisë (djegien e shtëpive) që nuk justifikohej me nevojat ushtarake.
Gjykimi i Tasiçit filloi para dy vitesh dhe që nga ajo kohë ishte në paraburgim. Ai mohoi fajësinë dhe është mbrojtur në heshtje.
Gjatë kohës sa ishte bërë publik vendimi nga Gjykata Themelore, ka pasur protesta para Gjykatës nga familjarë të viktimave dhe banorë të Krushës së Vogël. Familjarët e viktimave kanë vendosur fotografi të më të dashurve të tyre para Gjykatës në Prizren, si kujtim për krimet që janë bërë dhe si thirrje për dënimin e fajtorëve.
Por për habi këto potesta jo vetëm që nuk senzibilizuan çështjen por dhanë efekt të kundërt, duke i mundësuar kriminelit Darko Tasiç të shpëtoi gjysmën e vuajtjes së dënimit.
Ndërkohë, kryetari i Grupit Parlamentar të PS, Taulant Balla, aq shumë i shqetësuar me sjemenët e tij për masakrën e Krushës dhe filmimet e saj, ka vendosur si krimineli serb Darko Tasiç të heshtë.
