Aplikimet për SPAK, KLP: Afati shtyhet deri më…

Këshilli i Lartë i Prokurorisë, KLP, ka vendosur shtyrjen e afatit për pranimin e aplikimeve për SPAK deri me datën 21 Shkurt 2019.

Vendimi është marrë sot në KLP me 10 vota për, ndërkohë kundë shtyrjes ishte Nënkryetari i KLP, Alfred Balla.

Në fund të mbedhjes, KLP u bëri thirrje prokurorëve të shfrytëzojnë këtë afat dy javor për të paraqitur aplikimin e tyre.

Gara për SPAK u hap nga KLP më 7 janar dhe deri tani kanë aplikuar 15 kandidatë: Dorina Bejko, Besim Hajdarmataj, Behar Dibra, Arben Kraja, Vladimir Mara, Dritan Prençi, Klodian Braho, Besnik Muçi, Anton Martini, Eneid Nakuçi, Edvin Kondili, Anton Martini, Eugen Beci dhe Dolorez Musabelliu.

Ndryshe, SPAK nënkupton krijimin e një gjykate dhe prokurorie të dedikuar vetëm për hetimin, ndjekjen penale dhe gjykimin e korrupsionit, krimit të organizuar si dhe të gjitha veprave penale nga zyrtarë të kaluar dhe aktualë të nivelit të lartë. Me ngritjen e SPAK do të ngrihet Prokuroria e Posaçme dhe Byroja e Hetimit.