Aplikimi për vizë, Ambasada e SHBA njofton: Ndryshimet nga 2 Shtatori

Ambasada e Shteteve të Bashkuara në Tiranë ka bërë të ditur se, duke filluar nga 2 Shtator 2025, të gjithë aplikantët për viza jo-emigruese, përfshirë edhe ata që kërkojnë rinovim, do të duhet të paraqiten për një intervistë me një zyrtar konsullor.

“Duke filluar nga data 2 shtator 2025, aplikantët për viza jo-emigruese në shumicën e kategorive të vizave, përfshirë edhe ata që po rinovojnë, do të jenë të detyruar të paraqiten për një intervistë me një zyrtar konsullor,” thekson Ambasada amerikane në Shqipëri përmes rrjetit social Facebook dhe për më shumë informacion të informohen KETU: http://bit.ly/3J8LncS

Ndërkohë, Ambasada e Shteteve të Bashkuara në Tiranë u bën thirrje qytetarëve që të informohen me kohë përmes faqes zyrtare për të shmangur vonesat apo keqkuptimet gjatë procesit të aplikimit.