Apolonia zhyt Tomorin, fitore e artë e Elbasanit. Ja rezultatet në Kategorinë e Parë

Kategoria e Parë mbylli ditën e sotme, javën e saj të 24-t, me dy takimet për “play-out” në grupin B.

Apolonia fitoi me shifrat 1-4 në fushën e Tomorit, duke thelluar akoma më shumë krizën e beratasve, raporton “Panorama”. Në pjesën e parë, Gjata zhbllokoi shifrat në minutën e 15-të, ndërsa pesë minuta më pas, mbrojtësi Nako dyfishoi për fierakët. Ndërkohë, shifrat u ngushtuan nga Beci me golin e tij në minutën e 31-të.

Gjithsesi, rezultati u thellua akoma më shumë në pjesën e dytë, ku ekipi i Stojkut shënoi edhe dy herë të tjera në portën e Tomorit me golat e Mihanës në minutat 57 dhe 89.

Ndërkohë, në takimin tjetër, Elbasani mori një fitore të artë ndaj Pogradecit, me rezultatin e ngushtë 0-1. Ndeshja u vendos nga goli i Ferhatit në minutën e 55-të. Në këtë javë, ishte ekipi i Turbinës që ishte pushim.

Grupi B/ “Play-Out”

Pogradeci-Elbasani 0-1

( / Ferhati 55′)

Tomori-Apolonia 1-4

(Beci 31’ / Gjata 15’, Nako 20’, Mihana 57′, 89′)