Arben Vitia emërohet ministër i Shëndetësisë

Kryeministri i Kosovës, Albin Kurti, sot ka emëruar Arben Vitinë, ministër për Shëndetësi.

“Kryeministri i Republikës së Kosovës, Albin Kurti, sot ka emëruar Arben Vitia, Ministër për Shëndetësi, të cilit i ka uruar suksese në plotësimin e detyrave dhe përgjegjësive të tij,” thekson Zyra e Kryeministrit përmes një komunikate.

Arben Vitia ka qenë edhe më parë ministër i Shëndetësisë dhe atë në periudhën më të vështirë, kur vendi ishte duke u ballafaquar me pandeminë COVID 19. Ai dha dorëheqje pasi kishte vendosur të garojë për të parin e kryeqytetit si kandidat i LVV-së, ku nuk kishte arritur të fitojë në balotazh ndaj kandidatit të LDK-së, Përparim Rama.

Vitia zëvendëson në postin e ministrit të Shëndetësisë, Rifat Latifin, i cili është tërhequr nga ky post para më shumë se dy muajsh.