Ardita Sinani, Kryetar i ri i Komunës së Preshevës

Kryetar i ri i Komunës së Preshevës u zgjodh kandidatja e koalicionit të partive shqiptare, Ardita Sinani.

Pas mbylljes së punimeve të seancës konstituive, si dhe të zgjedhjes së organeve të Legjislaturës pas një pauze të shkurtër u ftua edhe seanca e rregullt e Kuvendit Komunal të Preshevës me dy pika te rendit te ditës.

1. Shqyrtimi dhe miratimi i propozimit për Kryetar , zëvendës kryetar dhe anëtareve të këshillit komunal,

2. Nderprerja e mandatit te kryetarit dhe sekretarit te organit të përkohshëm.

Pas aprovimit të rendit të ditës kryetari i Kuvendit Komunal, Sami Salihu lexoi biografinë e kandidates për Kryetar të Komunës se Preshevës Ardita Sinanit.

Edhe në ketë pike të rendit pati diskutime të shumta duke drejtuar edhe etiketime dhe fyerje të ndryshme ndaj znj Sinani, z.Mustafa si dhe ndaj z.Salihu.

Kandidatja për kryetar të komunës Ardita Sinani propozoi për zëvendëskryetar Ragmi Mustafën, si dhe 7 anëtaret e këshillit komunal, organe këto të qeverisjes së Sinanit.

Me 22 vota për, Ardita Sinani zgjidhet kryetare e Komunës së Preshevës, ndërsa kundër ishin 9 vota.

Për zëvendës kryetar të komunës me 23 vota për dhe 10 kundër zgjidhet Ragmi Mustafa, ndërsa për anëtarë të Këshillit Komunal u votuan:

Selman Sadiku

Rinor Dalipi

Sara Mustafa

Erxhan Ramadani

Latif Afizi

Suejb Musliji

Jashar Sahiti