Arifi: Asociacioni s’do të ketë kompetenca ekzekutive!

Kryenegociatori i Kosovës në dialogun me Serbinë, Avni Arifi, tha se opinioni serb duhet ta dijë se marrëveshja tashmë është aktivizuar dhe se grupi teknik duhet të përfundojë statutin dhe kjo është në proces. Ndërsa ka shpjeguar për televizionin serb Prva, se formimi i Asociacionit duhet të jetë në pajtim me Kushtetutën e Kosovës dhe se nuk do të ketë pushtet ekzekutiv.

“Do të ketë kompetenca, të cilat janë të parapara me Kushtetutë, por nuk ka kompetenca ekzekutive. Nuk do të ketë një nivel tjetër të pushtetit ekzekutiv, pasi Kushtetuta nuk e lejon këtë”, tha Arifi.

Sipas Arifit të gjitha marrëveshjet e arritura në Bruksel duhet të zbatohen, por Serbia nga ana e saj nuk është duke përmbushur obligimet e saja.

“Të gjitha marrëveshjet për ne janë të rëndësishme dhe dihet të gjitha të përmbushen menjëherë. Nuk kemi parë se Serbia po e bën këtë. Nuk kemi dashur të shkojmë në ndonjë prezantim për asociacionin e komunave serbe”, tha ai ndërsa saktësia se Prishtina asnjëherë nuk ka ndërprerë dialogun.

Me këtë rast, Kryenegociatori i Kosovës në dialogun me Serbinë  ka hedhur poshtë mundësinë e ndarjes së Kosovës si zgjidhje e mundshme dhe shtoi se normalizimi i marrëdhënieve është e mundur vetëm nëse vjen deri te njohja reciproke.