Armatimi i ri i FSK-së, Kurti: Në shërbim të mbrojtjes së sovranitetit
Ngritja e kapaciteteve ushtarake ka qenë dhe do të jetë gjithnjë në shërbim të mbrojtjes së sovranitetit dhe integritetit territorial dhe të ruajtjes së paqes dhe sigurisë, tha Kryeministri Albin Kurti me rastin e vizitës së njërës prej depove ku janë vendosur furnizimet e fundit me armatim për ushtrinë e Kosovës.
“Ky armatim modern është në kuadër të blerjeve dhe furnizimeve të vazhdueshme që jemi duke i bërë për Forcën tonë dhe është vetëm një pjesë fare e vogël e sasisë më të madhe të armatimit të këmbësorisë që ndonjëherë kemi marrë,” shprehet Albin Kurti në njërën nga depot ku janë vendosur furnizimet e fundit me armatim për ushtrinë e Kosovës duke shoqëruar dhe me me video ndërsa përfundon:
“Ngritja e kapaciteteve ushtarake ka qenë dhe do të jetë gjithnjë në shërbim të mbrojtjes së sovranitetit dhe integritetit territorial dhe të ruajtjes së paqes dhe sigurisë.”
Ndryshe, Kryeministri i Kosovës, Albin Kurti, vizitoi njërën nga depot ku janë vendosur furnizimet e fundit me armatim për ushtrinë e Kosovës i shoqëruar nga ministri i Mbrojtjes, Ejup Maqedonci dhe Komandanti i Forcës së Sigurisë së Kosovës, Gjeneralejtënant Bashkim Jashari, duke parë nga afër armët.
