“Armiqtë e Edi Ramës”/ Kryeministri në hall, si ta bind miletin e kuq se Bindja Demokratike është armiku…

Pasi e regjistroi “Bindjen Demokratike” për disa minuta në Gjykatë dhe po aq ju deshën që ta regjistroi për zgjedhjet e 30 Qershorit në KQZ, si dhe për ta futur edhe në Parlament me një deputet, sot kryeministri Edi Rama gjen arsye edhe të çuditet:

“Pse e kam formuar unë dhe se ka formuar Saliu, ma thoni pak, si e formova unë me Astrit Patozin dhe nuk e formoi Saliu, ku ndryshon Patozi nga Saliu, në një pikë vetëm, ose më saktë nga Luli.

Luli bashkë me Saliun merrnin pjesë në aferat e qeverisë, Astrit i bënte avokatin këtu me duar në xhepa pa qenë asnjëherë në qeveri.

Patozin e ka futur Saliu në zgjedhje jo unë, një çun për rrugën një për zgjedhje dhe të shohin ku të dalë dhe mirë hoqëm me PD dhe tani u dashka të krijojmë edhe një bindje, pak hoqëm,” tha Edi Rama nga foltorja e Parlamentit, aty ku nuk ka kush ta kundërshtoj ose sqaroj, meqë kërkoi për tu sqaruar pse e ka formuar ai dhe jo Saliu.

Astriti edhe mund ta ketë bërë avokatin, siç thotë Edi Rama, por sikur Saliu ta donte për lider nuk e pengonte njeri, aty e kishte kur u përzgjodh Lulzim Basha. Kjo që thotë Edi Rama mund të jetë vetëm njëra nga arsyet, pse jo Saliu! Ndryshe, çertifikimi i “armiqëve” sot nga Edi Rama vjen pas dëshmtimit të Bindjes Demokratike për të bindur opinionin publik se “kundërshtarët e Bindjes Demokratike janë përfituesit më të mëdhenj nga ky sistem i kalbur politik, në krye të cilëve qëndron sot kryeministri Edi Rama.”