Arrest me burg për Klement Balilin, Avokati: S’ka prova!
Gjykata e Krimeve të Rënda ka dhënë masën e sigurisë “Arrest me burg” për Klement Balilin, deri në përfundim të gjykimit.
Në një prononcim për media, avokati i Balilit, Theodhori Sollaku, tha se nuk ka prova që implikojnë klientin e tij në trafik droge, dhe ai vetë i ka mohuar këto akuza:
“Nuk ka asnjë provë, direkte, indirekte apo indicie që Klement Balili është përfshirë në trafikimin e 670 kg lëndën narkotike e kapur në ishullin Zakintos. Në seancën paraprake por dhe në themel dot ë jepen argumente.”
Ndryshe, hetimet u mbyllën paraditen e së martës, kur prokurori i çështjes Ened Nakuçi dorëzoi dosjen me 4 akuza në Gjykatë me kërkesë për të kaluar çështjen në gjykim dhe marrjen si të pandehur të shumëkërkuarin Klement Balili.
