“Arrest shtëpie”, Gjykata Kushtetuese merr sot vendimin për lirinë e Sali Berishës

Gjykata Kushtetuese do të shqyrtojë sot kërkesën e Kryetarit të Partisë Demokratike, Sali Berisha, i cili kërkon shfuqizimin e vendimeve të GJKKO dhe Apelit të Apelit të GJKKO-së, masën e sigurisë ndaj tij “arrest shtëpie”.

Në arsyetimin e tij, Sali berisha thekson se vendimi është dhënë në kundërshtim me Kushtetutën sepse është shmangur Parlamenti duke qenë deputet.

“Shfuqizimin e vendimeve nr. 112, datë 20.10.2023 dhe nr. 117, datë 26.10.2023, të Gjykatës së Posaçme së Shkallës së Parë për Korrupsionin dhe Krimin e Organizuar; nr. 56 (87-2023-156), datë 21.11.2023 të Gjykatës së Posaçme të Apelit për Korrupsionin dhe Krimin e Organizuar; nr. 00-2024-384, datë 05.03.2024 të Kolegjit Penal të Gjykatës së Lartë,” thuhet në kërkesën e Sali Berishës.

Ndryshe, me vendimin e sotëm për Sali Berishën, Gjykata Kushtetuese vendos precedentë nëse duhet të kërkohet autorizim nga Palramenti për masat e tilla, siç e parashikon ligji, apo pak rëndësi mandati që ka fituar deputeti nga vota e popullit.

Gjithsesi, avokatët e Sali Berisha kanë paralajmëruar se me mohimin e drejtësisë në Gjykatën Kushtetuese, çështja do dërgohet në Strasbrug!

Ndryshe, Kryetari i Partisë Demokratike ndodhet prej 11 muajsh nën masën e sigurisë “arrest shtëpie” për çështjen “Partizani”, pas cilës masë të vendosur nga Gjykata, SPAK i kërkoi parlamentit autorizimin për lejimin e vendosjes së masës për deputetin Sali Berisha.