“Arrest shtëpie”, Sali Berisha apeloi masën, GJKKO: Nesër shpallet vendimi!

GJKKO e Apelit ka shtyrë vendimin mbi ankimimin e Ish-Kryeministrit Sali Berisha mbi masën e “Arrest shtëpie”.

Pasi dëgjoi pretendimet e Prokurorisë së Posaçme dhe avokatëve të Ish-Kryeministrit Sali Berisha, Gjykata e Posaçme e Apelit vendosi.

“Shpallja e vendimit do të bëhet më 25.01.2024, në orën 09:00!”

Ndryshe, Ish-Kryeministri Sali Berisha përmes avokatëve të tij në çështjen “Partizani”, ka ankimuar vendimin e GJKKO-së të datës 30 Dhjetor 2023, që e la në arrest shtëpie, duke kërkuar një masë më të butë.