Arrestimet në Durrës/ Reagimi, Paloka: Gjushit nuk i del emri kurrkund!

Pas 17 urdhër ndalimeve, 9 arrestimeve dhe 8 personave të shpallur në kërkim si përgjegjës për viktimat dhe dëmet e shkaktuara nga tërmeti i 26 Nëntorit, vjen dhe reagimi nga Partia Demokratike përmes Nënkryetarit Edi Paloka pasi emri i Vangjush Dakos nuk është asgjëkundi.

“Fajtoret” rezultokan disa inspektore lagjesh, ndonjë “ndërtues informal” e me siguri do dalin dhe bojaxhinjtë e pallateve! Gjushit nuk i del emri kurrkund!” thekson Edi Paloka edhe pse në Durrës e di dhe qytetari më i fundit se Vangjush Dako është kryepërgjegjës për këtë situatë:

“Jo vetëm se ka mbi dhjetë vjet që drejton si kryetar bashkie, por edhe sepse privatisht ka qene i implikuar direkt, me firmën e tij “3D”, në ndërtimin e shumicës së pallateve të dëmtuara. Këtë fakt e kanë denoncuar dhe këto ditë me dhjetëra qytetare durrsak. Gjushi jepte lejet, Gjushi supervizonte, Gjushi jepte betonin e firmës së tij, Gjushi edhe ndërtonte me firmën e tij!”
Po pse atëherë emri i Gjushit nuk del në listën e polico-prokurorisë së Durrësit, pyet Nënkryetari i PD:

“Shumë e thjeshtë dhe e qartë për këdo; Gjushi ka mbrojtjen direkte të Ramës i cili gjatë gjithë kësaj kohë po kujdeset personalisht që mos preken përgjegjësit e vërtetë, po si në gjithë rastet e tjera, të mbyllen skandalet me ca “koka turku” nga radhët e ushtarëve.”

Edi Rama, sipas Nënkryetarit të Partisë Demokratike, Edi Paloka, po kërkon ta nxjerrë dhe një herë Gjushin “akullore” dhe kjo bën sens, ndërsa përfundon:

“Gjushin deri dje në Durrës e quanin “Bankomati i Ramës”! Në fakt tanimë është me prova se Gjushi e ka PAGUAR (me kuptimin më të parë të fjalës) imunitetin e tij, prandaj në vend që të ishte në qeli, është rikthyer me urdhër të Ramës në zyrën e bashkisë për të rregulluar “ATO LETRAT”.

Reagimi i plotë:

Rama e nxorri Gjushin prape “akullore”…!!! Sipas drejtuesve te policise dhe prokurorise ne Durres ; pas “nje pune intensive, dy javore” u gjenden dhe “fajtoret” e katastrofes. Plot 17 urdher ndalime…

“Fajtoret” rezultokan disa inspektore lagjesh, ndonje “ndertues informal” e me siguri do dalin dhe bojaxhinjte e pallateve!

Gjushit nuk i del emri kurrekund!!!

Ne Durres e di dhe qytetari me i fundit se Vangjush Dako eshte kryepergjegjes per kete situate, jo vetem se ka mbi dhjete vjet qe drejton si kryetar bashkie, por edhe sepse privatisht ka qene i implikuar direkt, me firmen e tij “3D” , ne ndertimin e shumices se pallateve te demtuara. Kete fakt e kane denoncuar dhe keto dite me dhjetra qytetare durrsak. Gjushi jepte lejet, Gjushi supervizonte, Gjushi jepte betonin e firmes se tij, Gjushi edhe ndertonte me firmen e tij!

Po pse atehere emri i Gjushit nuk del ne listen e polico-prokurorise se Durresit?!

Shume e thjeshte dhe e qarte per kedo; Gjushi ka mbrojtjen direkte te Rames i cili gjate gjithe kesaj kohe po kujdeset personalisht qe mos preken pergjegjesit e vertete, po si ne gjithe rastet e tjera, te mbyllen skandalet me ca “koka turku” nga rradhet e ushtareve.

Rama po kerkon ta nxjerre dhe nje here Gjushin “akullore” dhe kjo ben sens. Gjushin deri dje ne Durres e quanin “Bankomati i Rames” ! Ne fakt tanime eshte me prova se Gjushi e ka PAGUAR ( me kuptimin me te pare te fjales) imunitetin e tij, prandaj ne vend qe te ishte ne qeli, eshte rikthyer me urdher te Rames ne zyren e bashkise per te rregulluar “ATO LETRAT”