Arrestimi i Fredi Belerit, reagon ashpër Kryeministri Mitsotakis: Të lirohet menjëherë!
Nëse Shqipëria dëshiron të afrohet me Bashkimin Evropian, ajo ka detyrimin të sigurojë zgjedhje të lira dhe të ndershme dhe të lirojë menjëherë ata që ka burgosur! Kështu u shpreh Kryeministri i Greqisë, Kyriakos Mitsotakis, mesditën e sotme pas arrestimit të kandidatit të koalicionit “Bashkë Fitojmë” në Himarë, Fredi Beleri, duke e cilësuar arrestimin e Belerit si një ngjarje të shëmtuar.
“Një ngjarje jashtëzakonisht e shëmtuar ndodhi ne Shqipëri, ku fatkeqësisht u arrestua kandidati për Kryetar Bashkie të Himarës dhe anëtari i Minoritetit Kombëtar grek, Fredi Beleri. Nga Lesbos, i dërgoj një mesazh vendit mik Shqipërisë: Zbatoni ligjin dhe mbroni të drejtat e pakicës greke!
Nëse Shqipëria dëshiron të afrohet me Bashkimin Evropian, ajo ka detyrimin të sigurojë zgjedhje të lira dhe të ndershme dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor,” u shpreh Kyriakos Mitsotakis i njohur për mbështetjen që ka për Fredi Belerin edhe nga vizita e fundit në prag të Krishtlindjeve kur Kryeministri i Greqisë nuk dënjoi të refuzon takimin gjatë kësaj vizite me Kryetarin aktual të Himarës dhe kandidatin e Edi Ramës në zgjedhjet e 14 Majit, Jorgo Goro, moment kur Kyreministri i Shqipërisë heshti dhe e shoqëroi homogun grek vetëm në Dropull dhe Derviçan!
Ndërkohë pas lëshimit të urdhër arrestit kur u bë ditur se nuk as prova për arrestim në flagrancë të shitje-blerjes së votave të kandidatit të Koalicionit “Bashkë Fitojmë” për Bashkinë Himarë, Fredi Beleri, ka reaguar ministri i Jashtëm, Nikos Dendias, duke e konsideruar skandal arrestimin ndërsa shtoi se kjo çështje do të ndiqet nga Greqia.
“Arrestohet anëtari i minoritetit grek, Fredi Beleri, kandidat për kryetar Bashkie në Himarë të Shqipërisë, së bashku me një tjetër grek. Dua të them se nëse nuk ka prova të forta, arrestimi i një kandidati për Kryetar Bashkie dy ditë para zgjedhjeve është një skandal absolut.
Për këtë kam njoftuar tashmë Përfaqësuesin e Lartë të BE-së, z. Borrell, dhe Ministrin e Punëve të Jashtme suedeze, si Presidencë në detyrë. Qeveria greke do ta monitorojë këtë nga afër.
E përsëris, diçka që e njohu edhe kryeministri shqiptar Rama. Arrestimi i një kandidati për kryetar Bashkie dy ditë para zgjedhjeve, nëse nuk ka prova të forta, përbën skandal.”
Ndryshe, pas urdhërarrestit të lëshuar ende nuk dihet se pse Fredi Beleri nuk u pyet fare për flamurin e përdorur të Vorioepirit, deklaratat e helenizimit të Shqipërisë dhe akuzat e Kryeministrit Edi Rama se po kërcënon me telefon emigrantët në Greqi se do ju gris dokumentat nëse nuk votojnë Fredi Belerin, ndonëse Taulant Balla me miqtë e tij nga apartamenti i përbashkët, që nga mëngjesi vazhdojnë të japin leksione patriotizmi dhe të krenohen me arrestimin e Belerit!
