Arrestohen dy shqiptarë me 4 kg kokainë dhe heroinë

Rreth 4 kilogramë heroinë dhe kokainë janë kapur mëngjesin e sotëm në Itali, ndërsa janë arrestuar dy shqiptarë.

Mësohet se droga shitej në Padova dhe në Venecia.

Operacioni është kryer nga skuadra mobile e policisë së Padovas, pas një hetimi të koordinuar nga prokuroria e këtij qyteti.

Shqiptarët janë kapur me 2 kilogramë heroinë dhe 1.7 kilogramë kokainë.

Policia italiane pritet të dalë në një konferencë për të dhënë detaje të tjera, ndërsa identiteti i shqiptarëve të arrestuar nuk është bërë me dije deri tani.