Arrestohen një gjyqtar dhe një polic

Prokuroria Speciale e Kosovës njoftoi se me urdhër të prokurorit janë arrestuar dy persona me inicialet R.I. dhe B.G., për veprën penale “keqpërdorim i pozitës zyrtare” si dhe për veprën penale “marrje e ryshfetit”.

Personi i parë i arrestuar, sipas prokurorisë, është gjyqtar i Gjykatës Themelore në Mitrovicë, Dega në Skenderaj. Ai dyshohet se ka kryer veprën penale “keqpërdorim i pozitës zyrtare”.

Personi i dytë i arrestuar, ndërkaq, është polic i Kosovës, i cili dyshohet për veprën penale “marrje e ryshfetit”, raporton RFE.

“Prokuroria Speciale për dy të arrestuarit do të bëjë kërkesë për caktimin e paraburgimit,” thuhet në komunikatë.