Arrestohen tre persona, mes tyre një polic, fusnin drogë në burgje

Operacioni i Shërbimit Kontrollit të Brendshëm në Sistemin e Burgjeve, SHKBB, kundër veprimtarisë kriminale në Institucionin e Ekzekutimit të Vendimeve Penale, IEVP, Elbasan, u finalizua me tre të arrestuar njëri prej të cilëve ishte policë.

Pas një hetimi të thelluar disamujor të zhvilluar nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, përmes metodave speciale të hetimit u zbulua një mekanizëm i mirëorganizuar bashkëpunimi për futjen e lëndëve narkotike brenda institucionit penitenciar, me qëllim përfitimin financiar.

Në zbatim të urdhrit të ekzekutimit të datës 22 janar 2026, bazuar në vendimin nr. 784, datë 19 dhjetor 2025, autoritetet kanë ekzekutuar masën e sigurisë “arrest me burg” ndaj tre personave nën hetim:

N.K., punonjës policie në IEVP Elbasan

E.K., familjare e një të paraburgosuri

G.S., i paraburgosur në IEVP Elbasan

Materialet procedurale janë referuar Prokurorisë për veprime të mëtejshme ligjore.