Arrestohet Flamur Avdyli, “shpeton” Lulzim Berisha…

Arrestohet në Shijak, një nga emrat më të njohur të kësaj zone, Flamur Avdyli, me akuzën për trafik droge dhe armësh.

Forcat Speciale, Renea Operacionale, mbështetur dhe nga blutë e Durrësit, në një superoperacion me 1000 efektivë të policisë kanë ndaluar persona me precedentë të mëparshëm penal, në fushën e narkotikëve dhe veprave të tjera të kundraligjshme në Durrës dhe Shijak.

Mësohet se janë 60 persona e ndër të arrestuarit janë edhe dy vëllezërit e Flamur Avdylit, dhe: Shkëlqim Avdyli, Flamur Avdyli, Astrit Avdyli, Jasin Avdyli, Shaqir Gjepali, Fatos Llaftiu.

Burime të rezervuara në radhët e uniformave blu theksojnë se në fokus ka qenë një urdhër-ndalim për grupin e Lulzim Berishës që u lirua vetëm një vit më parë nga burgu. Të njëjtat burime thanë se ndaj Berishës rëndon akuza e trafikut të drogës dhe armëve.

Operacioni nuk ka përfunduar zyrtarisht dhe pritet që Policia e Shtetit të prononcohet edhe zyrtarisht për operacionin në fjalë.