Arrestohet gazetari grek, ja artikulli që akuzohet

Mbrëmjen e sotme u arrestua me urdhër të Prokurorisë gazetari i njohur grek, Stefanos Chios.

Arrestimi i tij vjen pas publikimit në faqen e parë të gazetës “Makeleio” të disa fotomontazheve të Kryeministrit Alexis Tsipras dhe ministrit të Jashtëm Nikos Kotzias të gjakosur, ndërsa Presidenti Prokopis Pavlopoulos shihet i shtrirë në tokë nga plumbat, botim ky që vjen në valën e diskutimeve për emrin mes Maqedonisë dhe Greqisë.

“Në kohë lufte, zoti President i Republikës ekzekutohet“, shkruhet në gazetë.

Mediat greke shkruajnë se Chios u arrestua nga Policia jashtë zyrave të gazetës së tij, ndërsa thuhet se do të hetohet lidhur me këtë botim, duke analizuar nëse përbën vepër penale, pasi kjo mund të nxisë edhe për ndonjë krim të mundshëm.