Arrestohet Ilir Meta

Arrestohet Presidenti i Partisë së Lirisë, Ilir Meta.

Lajmi konfirmohet nga burime pranë Prokurorisë së Posaçme, SPAK.

Ndërkohë mësohet se masa “detyrim paraqitje” u caktua për Monika Kryemadhin, “arrest shtëpie” për Pirro Xhixhon, dhe për Ema Çokun “detyrim paraqitje”.

Ky arrestim i kreut të Partisë së Lirisë vjen pasi ai është paraqitur disa herë në Prokurorinë e Posaçme për t’u marrë në pyetje për çështjen CEZ-DIA. Çështje për të cilën ai ka deklaruar se janë tërsisht akuza të sajuara dhe pa asnjë bazë.

Ndërkohë kohë parë kishte filluar dhe hetimi i pasurisë së Presidentit të Partisë së Lirisë, Ilir Meta.

Në kohë kur u bë i ditur lajmi mbi arrestimin e Ilir Metës, kryetari i PD, Sali Berisha, po zhvillonte një konferencë për media ndërsa se cilësoi persekutim politik, dhe rikujtoi se Edi Rama është përpjekur edhe për eliminimin e tij fizik

“Çdo gjë ndaj tij është politike. Persekutimi politik i Ilir Metës është politik, politik dhe vetëm politik.
Nuk kanë publikuar asnjë fakt, asnjë dokument, por kanë zbatuar urdhrat e Edi Ramës, i cili është përpjekur me të gjitha mënyrat për eliminimin politik, e ndoshta edhe fizik të Ilir Metës,” tha Kryetari i Partisë Demokratike, Sali Berisha, duke përfunduar:
“Edi Rama është, siç denoncova edhe në herët e kaluara, i implikuar në zhdukje të personave në mënyrë ekstraligjore, antikushtetuese.
Iu kam informuar unë këtu ju, se Dumani fle mbi një dosje në të cilën bisedohet për eliminimin e një politikani të afërt me Edi Ramën.
E kuptoni se a do mund të guxonin bandat shtetërore të eliminonin një politikan të afërt me Edi Ramën, pa porosinë e Edi Ramës?
Pra, Edi Rama është një me krimin.”