Arrestohet infermierja, dyshohet se ka mbytur tetë foshnje

Një infermiere është arrestuar pasi që dyshohet se ka mbytur tetë (8) foshnje të porsalindura, ndërsa tentonte të mbyste edhe gjashtë (6) të tjera.

Lucy Letby, 28 vjeç është arrestuar të martën nga policia pasi dyshohet për vrasjen e foshnjave në spitalin Countess of Chester gjatë viteve 2015-2016.

Të mërkurën, Spitali i Grave të Liverpool ka njoftuar se është duke punuar me policinë për të zbardhur këtë rast.

Letby ka punuar në këtë spital që nga diplomimi i saj në vitin 2011.

Nëse infermierja dënohet për vrasjen e tetë foshnjeve, ajo do të bëhej vrasësja më e madhe e foshnjeve në Britani.

Numri i foshnjave që kanë vdekur.

Shifrat tregojnë se numri i foshnjave që vdiqën u rritën në vitin 2015 dhe 2016.

2009 – 3

2010 – 1

2011 – 3

2012 – 3

2013 – 2

2014 – 3

2015 – 8

2016 – 5

Arrestimi i infermieres ka shokuar opinionin britanik, ndërsa Policia ka njoftuar se do të zbardhin këtë rast.