Arrestohet Ish-Deputeti Bardh Spahia, reagon Basha…

Ish-Deputeti i Partisë Demokratike, Bardh Spahia është ndaluar nga policia, teksa ishte nisur për të shkuar në emisionin “Open” në Top Channel.

Në një lidhje direkte në emisionin Open, Spahia u pyet nga gazetarët nëse ishte në dijeni se po kërkohej nga policia, pas situatës që u krijua dje në Shkodër, dhe ai tha se nuk ishte në dijeni të një informacioni të tillë:

“Unë kam gjithë ditën që lëviz nëpër Tiranë, nuk më ka ndaluar njeri”. Spahia ka deklaruar se nuk ka marrë asnjë shkresë zyrtare se është në kërkim. Spahia tha se nuk ka organizuar asgjë dhe çdo gjë që është thënë nuk është e vërtetë.

Ish-Deputeti i PD, Bardh Spahia, tashmë është arrestuar edhe pse emri i tij nuk rezultonte në listën e personave që policia publikoi në daljen për mediat, ku bëri një bilanc të personave të arrestuar, shoqëruar apo në kërkim, lidhur me tensionet e regjistruara sot në disa KZAZ të vendit.

Pas arrestimit të Ish-Deputetit të Parrtise Demokratike, Bardh Spahia, ka reaguar Kryetari i PD, Lulzim Basha, përmes një postimi në rrjetin social Facebook,  Basha u shpreh se kriminelët e zgjedhjeve po i shesin moral popullit në studiot televizive:

Ja statusi i plotë:

“Kriminelët e zgjedhjeve po i shesin moral popullit në studiot televizive.Bardh Spahia arrestohet pse protestoi kundër krimeve të tyre. Ne nuk do të ndalemi derisa ta shporrim këtë bandë dhe kreun e saj!”