Arrestohet Ish-Ministri Ilir Beqaj

Arrestohet Ish-Ministri i Shëndetësisë, Ilir Beqaj!

Mësohet se bashkë me të janë arrestuar dhe dy bashkëpunëtorët e tij Ermal Kurtulaj dhe Alfred Nikolla.

Arrestimi është kryer nga BKH, e mbështetur nga Policia e Tiranës.

Ilir Beqaj u arrestua sot për shkak të abuzimit me fondet e BE ndërkohë masa e sigurisë “detyrim paraqitje” i ishte dhënë për “shpërdorim detyre” lidhur me kontratën koncensionare të sterilizimit.

Në vitin 2021, ai u emërua në krye të SASPAC nga kryeministri Edi Rama, edhe pse ndaj tij po zhvilloheshin hetime për kontratat koncesionare në shëndetësi. Pas vendimit të Gjykatës së Posaçme për ta caktuar atë me masën e sigurimit “detyrim paraqitje” në lidhje me akuzat për sa i përket aferës së sterilizimit, Beqaj dha dorëheqjen nga SASPAC dhe pozicioni si negociator mes Shqipërisë dhe Bashkimit Europian.

Më 18 mars 2024, SPAK njoftoi mbylljen e hetimeve për koncesionin e sterilizimit, ndërsa iu komunikoi akuzat 8 personave të tjerë të përfshirë nën akuzën e shpërdorimit të detyrës, lidhur me koncensionin prej 100 milionë euro për sterilizimin e pajisjeve kirurgjikale në spitalet shtetërore.