Arrestohet kreu i trafikut të drogës Gjermani-Zvicër, PD: Patronazhist i PS!
Pas arrestimit të kreut të trafikut të drogës Gjermani-Zvicër, Ndriçim Harka, ka reaguar Partia Demokratike përmes Sekretarit të Përgjithshëm të PD, Gazment Bardhi, duke theksuar se ky zjarrfikës i arrestuar i Tiranës rezulton të jetë patronazhist i PS:
“Ndalohen dy trafikantë droge dhe përgjimet tregojnë se kanë qenë të angazhuar në blerje votash për regjimin Rama-Doshi. Arrestohet për trafik droge një punonjës i zjarrëfikëses në Tiranë dhe rezulton të jetë patronazhist i PS-së,” thekson Gazment Bardhi duke sjellë dhe dëshminë që konfirmon edhe angazhimin kriminal të Ndriçim Hakajt në zgjedhjet e 25 Prillit.
“Ky është kriminalizimi i politikës, kjo është masakra zgjedhore e 25 prillit, kështu u pengua ndryshimi që njerëzit donin, me trafikantë droge e paratë e pista të drogës. Zhbërja e kësaj padrejtësie është dhe do të mbetet misioni ynë. Ne nuk do të ndalemi në betejën tone kundër kësaj pakice që përdor çdo mjet për të tjetërsuar vullnetin e lirë të shqiptarëve,” thekson Sekretari i Përgjithshëm i PD, Gazment Bardhi duke përfunduar:
“Me shumicën e qytetarëve ne do të kthejmë legjitimitetin dhe demokracinë në vend!”
Ndryshe, zbulimi i patronazhistëve të dhënat personale të 910 mijë qytetarëve të Tiranës me të drejt vote u konsiderua skandali më i madh i zgjedhjeve në Shqipërinë pluraliste por në mungesë të një prokurorie normale shqiptare Kryeministri Edi Rama akuzat ndaj patronazistëve i shndërroi në mburrje të partisë, madje i falënderoi për fitoren e Partisë Socialiste në zgjedhjet e 25 Prillit.
Cila ishte fuqia e këtyre patronazhistëve me të dhënat personale dëshmon Ndriçim Harka i cili si boss i drogës edhe në trafikun Gjermani-Zvicër, ishte në shërbim të partisë jo vetëm me informacionin e atyre që kishte nën patronazh por edhe me financa kriminale që sot arsyetojnë edhe burimin e të ardhurave për blerjen e votës.
