Arrestohet Liridon Rexhepi, MIT: Menaxhonte rrjetin financiar të Mossadit në Turqi
Organizata Kombëtare e Inteligjencës, MIT, identifikoi Liridon Rexhepin si kreun e rrjetit financiar të Mossadit në Turqi ndërsa u arrestua nga Departamenti i Antiterrorit i Policisë së Stambollit.
Sipas informacionit të marrë nga burimet e sigurisë, Liridon Rexhepi ka menaxhuar rrjetin financiar të Mossadit në Turqi, raporton Agjencia turke e lajmeve Anadolu.
Rexhepi, për të cilin është përcaktuar se ka kryer incizime me dron dhe aktivitete operative psikologjike kundër politikanëve palestinezë me udhëzimet e Shërbimit izraelit të inteligjencës, mësohet se ka transferuar para për personelin e terrenit në Turqi që përpilonin informacione lidhur me Sirinë.
MIT ka përcaktuar se të gjitha lëvizjet e Liridon Rexhepit, veçanërisht lëvizjet e dyshimta në llogaritë e tij, janë monitoruar dhe ai ka bërë transferta të shumta parash për personelin në terren në Turqi nëpërmjet Western Unionit. Aktivitet e tij janë monitoruar nga 25 gushti kur ai ka hyrë në Turqi.
Si rezultat i punës së koordinuar midis MIT-it dhe Departamentit të Antiterrorit të Policisë së Istanbulit, Liridon Rexhepi është ndaluar më 30 gusht. Rexhepi në deklaratën e tij në polici pranoi se ka transferuar para, ndërsa me urdhër të gjykatës u arrestua.
Deshifrohet rrjeti financiar i Mossadit
Si rezultat i operacioneve të MIT-it, është përcaktuar se Mossadi, për personelin e tij në terren në Turqi ka transferuar para nga vendet e Evropës Lindore, veçanërisht nga Kosova.
Si rezultat i monitorimit të parave, u mësua se personeli në terren në Turqi i transferonte paratë që vinin nga Kosova në nënburime në Siri përmes Western Unionit dhe kriptomonedhës.
