Si rezultat i veprimeve hetimore, dje hetuesit e IPK-së me autorizim të Prokurorisë Themelore në Prishtinë kanë arrestuar këtë zyrtar policor me dyshimin se ka kryer veprën penale Keqpërdorim i pozitës dhe autoritetit zyrtar të paraparë me Nenin 422 të Kodit Penal të Kosovës. Atij i është caktuar masa e ndalimit për 48 orë nga prokurori kompetent.

Inspektorati Policor i Kosovës, IPK, javë më parë ka ndërmarrë disa veprime hetimore ndaj zyrtarit policor në Komisariatin Policor Qendra në Prishtinë me dyshimin se ka kryer veprën penale “Keqpërdorim i detyrës zyrtare apo autoritetit “.

Hetimi ka qenë duke u zhvilluar në koordinim të plotë me prokurorin kompetent të Prokurorisë Themelore në Prishtinë.

IPK i ka rekomanduar Policisë së Kosovës masën e suspendimit i cili rekomandim është zbatuar nga ana e policisë