Arrestohet shqiptari, bashkëpunëtor i serbit të tmerrshëm, Igor Rusi

Policia italiane e komunës Berra në provincën e Ferrarës ka vënë në pranga kosovarin Afrim Bejzaku i konsideruar si bashkëpunëtor e anëtar i grupit kriminal të të tmerrshmit “Igor Rusi”, serbi i njohur me emrat Igor Vaclaviç apo Norbert Feher , e aktualisht i burgosur në Spanjë me akuzën e 5 vrasjeve.

Afrim Bejzaku 37 vjec i lindur në ish Jugosllavi, e me precedent penal është dënuar nga Prokuroria e Rovigos me 2 vjet e 3 muaj burg me akuzën e grabitjeve të kryera në të shkuarën në territorin e rajonit të Venetos, raporton OraNews.

Afrim Bejzaku nuk rezulton të ketë lidhje me vrasjet e kryera nga “Igor Rusi” por hetimet vërtetojnë se ai ka qënë pjesë e “bandës Pajdek”, këtij grupimi kriminal i specializuar në grabitje e ku bënte pjesë dhe “Igor Rusi” në periudhën para se të kryente vrasjet.

Igor Vaclaviç, u arrestua në Spanjë më dhjetor të 2017 pas disa muajsh i shpallur në kërkim ndërkombëtar.

Ai u bë i famshëm me fotot që hetuesit kishin gjetur në kamerën e shtetasit serb Norbert Feher,  i njohur su Igor Vaclaviç ose Igor Rusi, kur ato përfunduan në mediat spanjolle e ai për shkak  të vrasjes së tre personave përfundoi në burgun spanjoll Zuera në Saragosa.

Sipas mediave spanjolle këto foto ishin realizuar disa muaj para se ai të arrestohet nga policia spanjolle, dhe armët me të cilat kishte bërë selfie ishin edhe armët e krimeve të tij tmerrshme.

Ai është autori i vrasjes së dy personave në Itali gjatë grabitjeve me armë si dhe të 3 personave në Spanjë, mes të cilëve dhe dy punonjës policie