Arrestohet zyrtari i lartë i BDI-së

Me urdhër të Prokurores për Krim të Organizuar, Vilma Ruskovska, mëngjesin e sotëm është arrestuar Sekretari i Shtetit në Ministrinë për Shoqëri Informatike, Jahi Jahiu.

Jahiu i cili është kuadër i BDI-së, dyshohet për keqpërdorim të detyrës zyrtare në marrjen e provizionit nga një tender.

Për momentin sektroi për Krim të organizuar dhe Korrupsion po kryen kontrollin në ministri.

Sipas dëshmitarëve, Jahi Jahiu nga Kumanova është arrestuar në orët e hershme të mëngjesit, ndërkohë që policia ka qëndruar në shtëpinë e tij për të kryer kontrollin.

Mësohet se fjala është për një ryshfet prej 10 mijë eurove, të cilin Jahiu e ka marrë gjatë viteve 2014-2015.