Arrestoi djalin e bosit të drogës, polici ekzekutohet me 150 plumba

Polici meksikan i cili ka marrë pjesë në arrestimin e djalit të bosit të droges Joaquin “El Chapo” Guzman është ekzekutuar në një parking.

Kamerat e sigurisë të një qendre tregtare në Culiacanu, kryeqytet ky i shtetit federal Sinaloa, kanë filmuar momentin kur nga një makinë e kuqe, dalin dy meshkuj dhe gjuajnë mbi makinën e bardhë të tipit Nissan e policit 32 vjecar.

Prita zgjati më pak se 30 sekonda, por makina e policit Eduardo N 32 vjeç , u qëllua me 155 plumba, raporton Daily Mail . Policia i ekzekutuar në detyrë ishte pjesë e njësitit elit i cili më 17 Tetor kishte marrë pjesë në aksionin e arrestimit të Ovidio Guzmán López, djalit të bosit të kartelit të drogës El Chapo Guzman.

Ndryshe, Forcat speciale meksikane u detyruan ta ndërpresin arrestimin e tij më 17 tetor kur anëtarët e bandës në momentin e arrestimit e kthyen qytetin në një fushë beteje. Bosi i kartelit të drogës në Sinaloa, El Chapo Guzman ndodhet në SHBA ku vuan dënimin me burgim të përjetshëm.