Arrestoi Fullanin dhe Shpëtim Gjikën, KPA konfirmon shkarkimin e prokurorit Ramadan Troci

Kolegji i Posaçëm i Apelimit, KPA, ka lënë në fuqi vendimin e Komisionit të Pavarur të Kualifikimit, KPK, për shkarkimin nga detyra të Prokurorit Ramadan Troci.

“Ky vendim është përfundimtar dhe ka efekt të menjëhershëm”, thuhet në vendimin e Kolegjit të Posaçëm i Apelimit, i përbërë nga Ardian Hajdari kryesues, Ina Rama  relatore, Luan Daci, Natasha Mulaj, Sokol Çomo anëtarë.

Vendimi për shkarkimin nga detyra të Prokurorit Ramadan Trocit nga KPK u mor më 15 nëntor 2018, me pretendimin se kishte gjetur probleme në pasurinë e tij. Gjatë hetimit të thelluar të Komisionit të Pavarur të Kualifikimit janë gjetur shkelje gjatë punës së tij si prokuror.

Ndryshe, Ramadan Troci është prokurori i përfolur se është përdor nga politika. Ai firmosi arrestimin e Ish-Guvernatorit të Bankës së Shqipërisë, Ardian Fullani, dhe Ish-Kryetarin e Bashkisë së Vlorë, Shpëtim Gjika, arrestime këto që kanë turpëruar drejtësinë shqiptare ndërsa kanë dëmtuar edhe buxhetin e shtetit me dëmshpërblim.