ARRSH dhe Policia Rrugore: Hapet rruga Vorë-Fushë Krujë, bllokohet një aks tjetër…

Autoriteti Rrugor Shqiptar, ARRSH, dhe Policia Rrugore kanë bërë të ditur sot se kanë përfunduar punimet në rehabilitimin e aksit rrugor Vorë – Rinas – Fushë Krujë ndërkohë kanë bërë thirrje për kujdes në Urën e Vorës sepse do të fillojnë punimet në urë.

Autoriteti Rrugor Shqiptar thekson se duke filluar nga data 17 Nëntor 2018 ora 08:00 do të mbyllet për trafikun aksi rrugor Ura e Vorës – Dogana dhe do të fillojë ndërhyrja për riparimin e fugave të Urës së Vorës dhe të shresave asfaltike të rrugës.

Njoftimi i plotë

Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se ne vijim te njoftimeve te mëparshme lidhur me rehabilitimin e segmentit Vorë – Fushë Krujë, sot në datë 15 Nëntor 2018 ora 19:00 përfundojë punimet asfaltike në segmentin rrugor Vorë – Kthesa e Rinasit – Fushe Kruje.

• Hapet për trafikun me sinjalistikë provizore horizontale segmenti rrugor Vorë – Kthesa e Rinasit – Fushë Kruje.
• Gjithashtu Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se duke filluar nga data 17 Nëntor 2018 ora 08:00 do të mbyllet për trafikun segmenti rrugor Ura e Vorës – Dogana dhe do te fillojë ndërhyrja për riparimin e fugave të Urës së Vorës dhe të shresave asfaltike të rrugës. ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve gjatë procesit të ndërhyrjes në këtë aks rrugor dhe respektimin në mënyrë rigoroze sinjalistiken provizore të vendosur dhe udhëzimet e policisë rrugore në terren.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren. 1. Trafiku do të devijohet për të gjitha mjetet në rrugën paralele (Vorë – ish fabrika tullave) mbas karburant Kastratit në drejtimin Rinas dhe Fushë Krujë.

Punonjësit e autoritetit Rrugor Shqiptar, Policisë së Qarkullimit Rrugor dhe firmave të mirëmbajtjes do të jenë në terren për mbarëvajtjen e ndërhyrjes dhe orientimin e trafikut. Ju kërkohet drejtuesve të mjeteve që të respektojnë në mënyrë rigoroze rregullat e qarkullimit rrugor, sinjalistikën provizore të vendosur në segmentet ku do të punohet dhe udhëzimet e policisë.