“Arsyetimi” i Fondeve Sekrete, Kotzias: Greqia do marrë 12 milje det nga Shqipëria

Ministri i dorëhequr i Punëve të Jashtme i Greqisë, Nikos Kotzias sot jo vetëm që i dorëzoi detyrën kryeministrit Alexis Tsipras por arsyetoj edhe gjithë atë zhurmë që është ngritur rreth Fondeve Sekrete që janë shpërndarë në Shqipëri dhe Maqedoni.

Në ceremoninë e dorëzimit të detyrës, Kotzias tha se Greqia është gati të zgjerojë ujërat territoriale me 12 milje detare në krahun perëndimor.

“Ky është një zgjerim i rëndësishëm politik i sovranitetit të vendit, për herë të parë që prej kohës kur Greqia përfshiu grupin e ishujve Dodecanese (më i madhi i të cilit është ai i Rodosit),” tha Kotzias, duke shtuar se dekretet presidenciale janë gati.

Kështu, duke ju përgjigjur në njëfarë mënyre si opozitës ashtu edhe mediave greke, në njoftimin për media, saktësohet se zgjerimi i zonës detare është bërë  nga ishujt Diapontia, një grup ishujsh të vegjël në detin Jon-ku bën pjesë edhe Otonoi, deri në Antikythera, një ishull që shtrihet mes Peloponezit dhe Kretës.