Art Ujkashi kampion i turneut ndërkombëtar në Tivar

Karateisti i Klubit ”Albulena” nga Ulqini, Art Ujkashi u shpall kampion i turneut ndërkombëtar “Trofej Bara 2019” në disiplinën kumite – luftim për kadetë në kategorinë 57 kg.

Në kategorinë e Artit ishin 15 garues nga Kroacia, Bosnja, Kosova, Shqipëria dhe Mali i Zi.

Ndërkohë rezultate të shkëlqyera kishin edhe pionierët e KK ”Albulena”. Medale të artë fituan Arlinda Gjeloshi, Ksenija Knezheviç, dhe Tamara Gjakonoviç në Kata ekipore, raporton Ulqinionline. Ndërsa në atë individuale medale të artë fitoi Ksenija Knezheviç, medale të argjentë kanë fituar Qazim Gjeloshi dhe Anabela Dragojeviç, e medale te bronztë kanë fituar Arlinda Gjeloshi dhe Tamara Gjakonoviç.