Arta Marku në Komisionin e Ligjeve, debaton me mazhorancën dhe opozitën e Edi Ramës!

Sot në Komisionin e Ligjeve me ndihmën e Prokurores së Përgjithshme të Përkohshme, Arta Marku, u krijua një situatë komike ku deputetët e mazhorancës debatonin me ata të Opozitës së Edi Ramës duke inskenuar një debat në komisionin parlamentar, që zili do t’ia kishte edhe Blendi Fevziu për emisionin e tij “Opinion”.

Kishim një Kryeprokurore që raportonte për vitin 2018, “opozitarë” që i kërkonin llogari për çështjet e vitit 2014 të ndikuara nga mediat e afërta me Edi Ramën që thonë se Arta Marku do hap këtë çështje dhe do hetohet Grida Duma, si dhe Dosjet 339 dhe 184 për të cilat ajo nuk u pyet pse nuk arrestohen protagonistët e bisedave të zbardhur në media por çfarë po ndodhë me këto Dosje, deri ku kanë shkuar hetimet.

Pas ndërhyrjes së deputetit të PS, Spartak Braho, se për çështje konkrete është në të drejtën e kryeprokurores të mos japë detaje për hetimet, Arta Marku tha:

“Për vrasjen e Santos, kjo është një çështje jashtë periudhës për të cilën po raportojmë dhe është një çështje konkrete, për të cilën unë nuk jap të dhëna konkrete,” tha Marku e lidhur me dosjet e përgjimeve, Marku deklaroi:

“Përgjimet, vazhdojnë të jenë në hetim. E kam shprehur disa herë, që aty ka problematikë, dosjet janë zvarritur, ka pasur vetëm përgjime, që nuk janë zbardhur dhe nëse nuk bëhen janë të palexueshme. Dosja 339 po hetohet nga 2 prokurorë dhe 11 oficerë, aty ka video të patranskriptuara, Ka pasur 700 CD dhe video të patranskriptuara dhe po punohet për të dhe do ketë vendimmarrje. Dosja 184 në të njëjtën gjendje, e regjistruar 2 vjet vetëm përgjime. Pas dy vjetëve janë regjistruar emrat e disa personave në hetim, do të ketë vendimmarrje të shpejtë.”

Por mjeshtri i teatrove, Edi Rama, kishte përgatitur debate edhe të këtij lloji:

Arta Marku: Sa i takon pyetjes se bosëve te krimit, prokuroria e përgjithshme nuk ka atribur, mund t’i drejtohen Prokurorisë së Krimeve të Rënda. Për dosjet e përgjimeve, janë në hetim. Nëse do kishte vendimmarrje do ishte marrë vesh. Ka problematike  dhe janë mbajtur zvarrë.  Çështja 339 po hetohen nga dy prokurorë. Shumë shpejt do ketë vedimmarrje e do bëhet publike. Po ashtu edhe 184 është e njëjta situatë dhe do ketë një vendimmarrje. U kam kërkuar prokurorëve të hetojnë shpejt. Për çështjen 339 janë 700 cd të patraskriptuara. U kam kërkuar prokurorëve të hetojnë dhe të kenë një vendim për çështjet që kanë tronditur politikën.

Myslim Murrizi: Me këto përgjime ia paskeni kaluar edhe kinostudios. Me këto 700 cd po t’i kishte Sinan hoxha do kishte bërë goxha lekë. Keni përgjegjësi që me firmën tuaj ka shkuar për në KLP një ish-bashkëpunëtor i sigurimit?

Arta Marku: Për 700 cd e pazbardhura, janë shumë është e vërtetë. Sapo kam marrë ndjeni të problematikes kanë ndërhyrë sipas ligjit. Është mbajtur nën hetim në disa kohë.  Kjo çështje ka shume volum dhe prandaj është volumi i madh pune. Janë regjistruar emrat e parë për hetim e që nuk kane lidhje me zgjedhjet por për trafikim kriminal . E njëjta gjë edhe për dosjen tjetër 184.

Marku: Janë dy prokurorë dhe 11 oficerë të policisë gjyqësore që ndjekin dosjen 339. Po ecet me ritme te shpejta. Për një pjesë të të pandehurve është ndarë çështja, s’ka lidhje me zgjedhjet por me trafikimin e narkotikeve.

Paulin Sterkaj: Faleminderit Murrizi për humorin që na sjell në komision. Na kujton Zef Dedën, Paulin Preken e të tjerë…

Xhemal Qefalia: Keni nisur hetim për nxjerrje te dosjeve në publik?

Marku: Nuk mund të them se ndikon në procesin hetimor nxjerrja e sekretit të hetimit

Adriatik Alimadhi: Janë politike ndalimet e protestuesve te unaza e madje dhe në protestat e opozitës?

Marku: Jam në dijeni për disa arrestime. Çështjet janë në hetim, ndalimet janë bërë nga policia. Nuk mund te them nëse ndalimet janë politike.

Andi Permeti: A ka rrezik se mund të jenë dosje të tjera që rrinë të fjetura si ajo e 339?

Marku: Shpresoj të mos ketë dosje të tilla dhe prokurorë të papërgjegjshëm. Prokurori përgjithshëm nuk ka kompetence të ndërhyjë e të kontrollojë mbi proceset hetimore.

Bashkim Fino: A ju përdorin? Ka falje te informacioneve nga prokuroria e përgjithshme në mënyre skandaloze. Ka dy mënyra për të dalë: kur ju përdorim por edhe kur mund te përdorin vetveten. A kanë përgjimet për shit-blerjen e votës vlere procedurale? Kjo ka lidhJe edhe me politikën e sotme, sepse po të ishte vepruar me kohë nuk do ishim në këtë situatë politike

Marku: Dalja e informacionit jo nga Prokuroria e Përgjithshme por nga Prokuroria e Krimeve të Rënda. Ka nja hetim  që në fund do bëhet publik.

Kështu eksperti i komunikimit masiv dhe tashmë edhe i krijimit të opozitave, Edi Rama e gjuajti grepin thellë në det, për të filluar turbullimi mediatik se çfarë po heton Prokuroria e Krimeve të Rënda, cilën rjedhje të sekretit ndonëse dihet që nuk ka rjedhje por përdorim të mediave nga vetë kjo Prokurori që drejtohet nga një dorë e vetme.