As Arta Marku nuk e njeh Dekretin e Presidentit, Prokurorët në gatishmëri për 30 Qershorin!

Kryeprokurorja e Përgjithshme e Përkohshme, Arta Marku, hedhë poshtë çdo dyshim dhe konfirmon se është në shërbim të Edi Ramës, përmes një udhëzimi të lëshuar për prokurorët, për siç thuhet, “Për zgjedhjet për Organet e Qeverisjes Vendore që do të zhvillohen në datë 30.06.2019” ndërsa konfirmon se njeriun e parë të Prokurorisë nuk ekziston Dekreti i Presidentit i publikuar në Fletoren Zyrtare.

Në udhëzimin e firmosur nga kryeprokurorja Marku thuhet se do të hetohen dhe ndiqen penalisht me përparësi dhe efikasitet të gjithë ata persona që prekin zgjedhjet e lira dhe sistemin demokratik të zgjedhjeve, si dhe kryejnë vepra penale që dëmtojnë procesin zgjedhor.

Gjithashtu, udhëzimi sqaron se do të ketë një bashkëpunim mes prokurorive të të gjitha qarqeve dhe policive përkatëse, si dhe me agjencitë e zbatimit të ligjit e shërbimet inteligjente, për të marrë dijeni menjëherë për vepra penale që prekin zgjedhjet e lira dhe sistemin demokratik.

Gjatë periudhës së zgjedhjeve, do të jenë në gatishmëri nga ora 07:00 deri në 22:00 dhe do të kenë komunikim të vazhdueshëm me sallën operative të policisë.

Ky udhëzim i Prokurorisë së Përgjithshme vjen pas publikimit në Fletoren Zyrtare të Dekretit të Presidentit që anulon 30 Qershorin si datë e zgjedhjeve dhe pak ditë pas ndryshimeve në Kodin Penal të miratuara nga mazhoranca, që parashikonin ndëshkim deri në bllokim të lëvizjes jashtë shtetit për ata persona që kryejnë krime zgjedhore.